ياسمين عز تُهاجم "علم الطاقة": 99% من بتوع الطاقة حياتهم خربانة

كتبت - أميرة محمد 

تحدثت الإعلامية ياسمين عز خلال برنامجها "كلام الناس" عن انتشار ظاهرة لجوء بعض الأشخاص إلى علم الطاقة لحل أزماتهم في الحياة، معتبرين أنها الحل السحري لجميع المشكلات.

قائلة: "كلام الناس النهاردة، في موضوع انتشر جدا، وكنا بنهزر فيه، لكن لما لقناه بيعمل حالة من تحريك الثوابت والوعي".

وتابعت: "وأن الطاقة دي هتحل المشاكل، زي الفاشل ينجح، والحامل تخلف، لو الموضوع بالبساطة دي مكنش حد غلب".

وأضافت: "الموضوع رجع تاني تريند مع محاكمة المضيفة اللي قتلت بنتها عندها 4 سنين عشان كانت بتعمل تجلي".

واستكملت: "وأكدت في التحقيقات أنها كانت بتشوف إلهامات في السيماء، هي أكيد ملبوسة، عمرنا ما سمعنا عن علم الطاقة".

وأردفت: "احنا كنا نعرف الطاقة الشمسية، اللام القمرية، عمري ما أمنت بهذه الأشياء وربنا رزقني في وقت صغير، نقعد بقى نعمل جدل وخعزبلات، ونسيب ربنا".

وأشارت: "أنا عارفة الجماعة بتوع الطاقة هيزعلوا يزعلوا، عاوزه أقول كمان أن 99% من بتوع الطاقة، حياتهم خربانة، كان القرد نفع نفسه".

وأوضحت: "أنا ماعرفش غير الطاقة الشمسية واللام القمرية، ومين مخترع علم الطاقة".